Kinderland nədir?

Burada uşaqlar həm aktyor, həm də aktrisa rolunda çıxış edirlər. Onlar bir tamaşada nəzərə alınması vacib olan əsas amilləri öyrənirlər. Eduteynerlər öz növbəsində uşaqların diksiyasını və səs tonlarını təhlil edirlər. Hərtərəfli məşqlərdən sonra uşaqlar teatr rəhbərlərinin köməyi ilə müəyyən bir rolu ifa etmək üçün səhnəyə çıxırlar.

Burada uşaqlara arxeologiya və arxeoloqun vəzifələri barədə təlimatlar verilir. Onlar ilk öncə qazıntı sahəsi və onun şərtləri ilə tanış olurlar. Daha sonra uşaqlar təhlil edəcəkləri tarixi əsərləri əldə etmək üçün qazıntı sahəsində işləməyə başlayırlar. Son mərhələdə uşaqlar əldə etdikləri əsərlərin dövr və mədənniyyət xüsusiyyətlərinə görə muzeydə yerləşdirilmə qaydasını öyrənirlər.

Burada uşaqlar qida mühəndisi rolunda çıxış edir, kakao paxlası, kakao ağacı və şokolad hazırlanması prosesi haqqında məlumatları dinləyirlər. Daha sonra mühəndisliyə namizədlər, bu mükəmməl prosesin bütün mərhələlərini təcrübə edərək şokolad istehsalına başlayırlar.

Bu fəaliyyətdə ziyarətçilərimiz informasiya texnologiyaları haqqında bilikləri əldə edib, öz oyun bloklarını yaradacaqlar.

Burada uşaqlar mühəndis rolunda çıxış edirlər. Onlara kodlaşdırma, proqram robotları və ya dronlar barədə məlumatlar verilir. Uşaqlar proqramlaşdırma bacarıqlarını robotlar və dronlar üzərində sınayırlar.

Bu fəaliyyətdə ziyarətçilər mətbəx sirlərini öyrənib, aşpaz rolunda çıxış edəcəklər.

4 yaşdan aşağı uşaqların ehtiyaclarını qarşılamaq üçün xüsusi dizayn olunmuş bir yerdir. Burada uşaqlar kitablardan, interaktiv lövhələrdən və yumşaq bir oyun sahəsindən zövq alırlar.

Burada bütün fəaliyyətlər körpə uşaqlar üçün nəzərdə tutulub. Onlar xəyalən yemək və çay hazırlayır, valideynlərinə xidmət edir və birlikdə yeməkdən zövq alırlar.

Bu fəaliyyətdə uşaqlar neft mühəndisi rolunda çıxış edirlər. Onlar neft məhsulları və neft mənbələrinin axtarılması barədə məlumatlar əldə edirlər. Daha sonra neft mənbələrinin yerini müəyyən edib, çıxartdıqları nefti lazımi bölmələrə göndərirlər.